پنجشیرنیوز |خبرگزاری صدای افغانستان 29 شهريور 1401 ساعت 12:25 https://www.panjshirnews.com/news/2017/آمریکا-هواپیماهای-نظامی-پیشین-اختیار-اوزبیکستان-تاجیکستان-قرار-میدهد -------------------------------------------------- عنوان : آمریکا، هواپیماهای نظامی پیشین را در اختیار اوزبیکستان و تاجیکستان قرار میدهد -------------------------------------------------- یک مقام ارشد وزارت دفاع آمریکا گفته است که این کشور به دنبال مبادله هواپیماهای نظامی، در بدل حمایت اوزبیکستان وتاجیکستان از عملیات ضد تروریسم در افغانستان است. متن : صدای افغانستان، کابل: یک مقام ارشد وزارت دفاع آمریکا گفته است که این کشور به دنبال مبادله هواپیماهای نظامی، در بدل حمایت اوزبیکستان وتاجیکستان از عملیات ضد تروریسم در افغانستان است. روزنامه امریکایی پولیتیکو روز دوشنبه، ۲۸ سنبله/ شهریور، گزارش داده که ایالات متحده در حالی مذاکره با دو همسایه افغانستان، اوزبیکستان و تاجیکستان است تا در ازای حمایت از عملیات ضد تروریزم در افغانستان، ۵۰ هواپیمای نظامی که سال گذشته به این دو کشور منتقل شده را در اختیار آنان، قرار دهد. یک مقام وزارت دفاع آمریکا گفته که این کشور در حالی ارزیابی و برنامه ریزی است تا شرایط هواپیماها را بررسی کند. به گفته این مقام وزارت دفاع آمریکا، این هواپیماها در ازای تقویت امنیت مرزی و تلاش مشترک برای مبارزه تا تروریسم مربوط به افغانستان به این دو کشور همسایه افغانستان داده خواهد شد. این گزارش افزوده که اکنون تاجیکستان همکار ترین کشور آسیای مرکزی در امر مبارزه با تروریسم، است. پیشتر طالبان ادعا کرده بودند که به عنوان جانشین حکومت قبلی، این هواپیما ها مربوط به آنان است، اما اوزبیکستان که بیشتری هواپیماها در این کشور قرار دارد گفت که این هواپیماها و هلیکوپترها مربوط به ایالات متحده آمریکا است و به طالبان بازگردانده نخواهد شد.